cuisinieranimes

21.10.08

Sto opp og kom meg på jobb. Der begynte eg å reinske nye grønnsaker og trykk-koke dei. Då eg var ferdig med dette var det å lage til lunsj, steac hache med pasta. Og då det var ferdig og sett fram på disken, fekk eg endeleg begynt på min mise en place. Så det blei ingen lunsj på meg i dag.

Då dei andre kom ned, var det på tide å begynne på Canapés.

Under service var det tid til å lage meir Samoussa, det ser ut til at eg kjem til å gjere det til eg er ferdig her nede. Eine lærlingen er slutta og Mathias var ferdig, så eg har tatt over stasjonen til Mathias og må i tillegg gjere alt som eg og lærlingen gjorde.

Etter rydding og vasking var det tid for pause.

I pausen var det på høg tid å få litt orden på papira, dvs. alle kviteringane mine frå denne perioden. Og det tok si tid, var fortsatt ikkje ferdig då eg gjekk på jobb.

Tilbake på jobb var det å gjere i stand Canapés og Mise en Bouche. Og under service vart det mykje legging opp av rettar sidan me i tilleg til dei som er vekke, har ein av kokkane som er på ferie denne veka. Tani står på hans stasjon så det er så lite folk på kjøkkenet som det er mogleg nesten.

Då me var ferdig var det heim igjen for å gjera ferdig rekneskapet.

God Natt

20.10.08

Atter ein lang dag i senga og godt var det. Sto ikkje opp før klokka var 18.00. Då sto eg opp og dusja før eg tok turen på butikken for å handle litt.

Deretter var det tid for å gå på salsakurs. I dag tok eg både nybegynnar og mellomnivåkursa. Det var litt vanskelig å følge med på forklaringane som kom litt for raskt, men fekk teken på sakene litt etter litt.

På dansinga var det ei dame som eg hadde snakka med for ei veke sidan. Ho hadde då fortalt meg at broren hennnar skulle reise til Noreg i begynnelsen av desember. No hadde ho ei liste med spørsmål om Noreg som ho ville ha svar på. Svarte så godt eg kunne og lova å sende henne ei liste over restaurantar og slikt i Bergen som ho kunne gi til broren.

Etter dans gjekk eg heim og såg på film medan eg lasta opp bloggen for dei siste 14 dagane. Har også skrive om dag 44, då eg var på sjokoladekurs.

No er eg stort sett oppdatert på heile bloggen med unntak av to dagar, så då er det på tide å begynne og laste opp litt bilde. Det skal eg begynne med i morgon.

God natt.

19.10.08

Vakna så vidt klokka 14.00, dvs. lenge nok til å sjå på klokka og sovne igjen.

Vakna og sto opp kl. 18.30, då tok eg byen 'for mine føtter'. Eg gjekk for å finne meg ein plass å ete. Fann ein ny restaurant som heiter TigerWok, - nokolunde som mongolsk grill, ein vel grønsaker, kjøtt og sausar. Så wokkast det framfor deg. Veldig stilig. Etter tre rundar med først pangasus og marlin (fisk), kalv og kenguru og til slutt ein med kylling.

Etterpå gjekk eg for å sjå kino. I dag var eg for ein gong skuld ikkje aleine i kinosalen, det var fire andre kjærastepar der. Kan vel sei eg følte meg litt aleine.

Etterpå var det heim igjen og inn på rommet for å skrive blogg for dei siste 12 dagane, var ferdig no og no er klokka 05.27. Får heller laste dei opp i morgon.

God natt og sov godt.

18.10.08

Begynte med laurdagsvasken av vifter og steikeøya. Deretter var det tid for å lage fleire Samoussa. I dag snakka eg med Quentin for å spørje om det var riktig å lage på den japanske måten når det tross alt tek opptil 4 gonga lengre tid å lage dei. Han var einig med meg med at det var betre å lage den på den måten me hadde gjort før. Då gjekk det med ein gang mykje fortare.

Til lunsj var det servert maten som eg hadde laga til lunsj i går.

Etter lunsj var det å gjere klart Canapés og Mise en Bouche til service.

Tilbake i leiligheten var det rett i køya for å sove ut til det var tid for å komme seg tilbake på jobb.

Der var det å gjere klar Canapés og Mise en Bouche.

Under service var det å hjelpe til på forrettar og hovudrettar når det var behov for det. Me hadde heldigvis nokså lite gjestar i kveld så det vart ein kort dag.

Då eg kom heim gjekk eg rett i dusjen og stelte meg før eg gjekk ut på byen. Hadde fått beskjed om kor det var eit diskotek som eg kunne gå på, der kom eg og det var tomt, men eg blei forsikra om at om ein halvtime så var det fullt. Var der til klokka var rundt tre før eg gjekk heim og la meg.

God Natt.

17.10.08

Judgment day.

I dag var det Nadia sin store prøvelse. Eg for min del sto opp og stelte meg før eg gjekk på jobb. Då eg kom på jobb var allereie Chef, to kokker og tv-teamet der. Og eg fekk beskjed om at eg var ein time for sein, ikkje kunne eg hugse at eg hadde fått beskjed om å komme tidlegare.

Begynte med å lage klar karamell til tomatane mine, - har begynt å få teken på det å lage ein flott karamell her nede no. Quentin kallar meg faktisk karamell-kongen, - veit ikkje om han meinar eg er flink eller bare brukar for masse tid på det. Ikkje det at eg brukar masse tid, det er bare det at den står lenge på varmen.

Nadia jobba og sto i. Ho måtte droppe den eine forretten for at ho skulle få tid til å lære og lage alt.

Så fekk eg i oppgåve å lage til lunsj, - svinekotelettar. Alt var klart og sto på disken, og der blei det ståande til eg bare måtte rydde det vekk. Det blei ingen lunsj på oss i dag, det var for mykje å gjere for at Nadia skulle bli ferdig i tide, det vil sei utan hjelp frå oss.

Steikte opp Samoussa og Accra til Canapés og gjorde klar Mise en Bouche. Deretter hadde me eit par gjestar før det var tid for den hemmelige gjesten. Det viste seg å vere kjøkkensjefen på ein tostjernes restaurant som Chef har jobba på.

Ho la opp rettane og så var det ut og servere dei, men det tok jo veldig lang tid sidan dei bare hadde ein kameramann, og han skulle dokumentere at gjesten åt og kommenterte maten og så skulle han ut og dokumentere at Nadia laga maten. Så ho måtte vente til gjesten var ferdig med forretten før ho kunne begynne med hovudretten, å steike og kvile ein oksefilet tek litt tid.

Me var ferdige med både våre gjestar og rydding og vasking før ho var halvvegs i hovudretten. Så me blei ståande og sjå på at ho jobba. Ga råd der det trongs. Så var det tid for at ho skulle møte kokken og få sin dom. Me sto og såg på frå døropninga og hørte på kva som blei sagt.

Så var det å gå for å skifte for å få eit par timar fri før det var tilbake på jobb.

Eg sov som ein unge og vakna rett før eg måtte gå tilbake på jobb.

Der var alt tilbake til det vanlege. Eg laga klar Canapés og Mise en Bouche. Me kjørte ut til service og plutseleg fekk eg bestillingar på Canapés og meir Canapés. Då var det BBC som var komme for å ete middag før dei skulle reise vidare.

Etter at me var ferdige, var me inne og snakka med folka og dei spanderte Champagne på alle oss og orangina til meg. Og det blei jo stort sett eg som snakka med dei, Chef var for trøytt og Quentin snakka lite og tolken hadde dei ikkje med seg.

Og i februar kjem det dvd av programmet i posten til meg, gler meg veldig.

Etterpå var det å komme seg heim. Der var det fødselsdagsselskap for Frank som blei 35 år gammal. Eg blei sitjande og snakke og ete kake med dei og gjestene til klokka var halv to. Då bestemte eg at det var på tide å gå til sengs sidan eg tross alt skal på jobb i morgon.

God Natt.

16.10.08

Det var opp og stå for så å komme seg på jobb. Og i dag var det litt vanskeligare enn vanleg, sidan me skulle opp og begynne kl. 07.00. Eg klarte faktisk å vere på jobb til sju, - og dusje først. Framme på jobb var det fullt kaos, - på kjøkkenet var me faktisk 13 kokkar som jobba og sto i med den første buffeen som skulle ut. Denne skulle vere servert i Montpellier som er ca 40 min unna, kl. 11.30. Og buffeen skulle vere til 170 personar.

Eg blei først ståande og dele nokre lokale brød i to, - desse er som pitabrød bare mykje mindre. Desse fylte me så med spinatblad og andeleverterin, brandad og salat, tunfisksalat, salat og tomat.

Deretter var det å ha på dei siste elementa i begera med grønsakspurear som me hadde laga klar i går.

Me var faktisk ferdige med heile buffeen til klokka var ni. Då reiste Chef, sjefen over servitørane, to kokkar og to servitørar med buffeen til Montpellier, tre av kokkane reiste på jobb på brasseriet. Og igjen sto me 5 på kjøkkenet og skulle klare oss gjennom resten av dagen.

Heldigvis var Nadia og BBC ute på leverandørjakt i dag. Dei var i Camarg og såg på saltbassenga og litt andre ting. Dei skulle ikkje vere tilbake hos oss før kl. 16.00

Me laga klar det som trongs til servise før lunsj og me åt ståande på kjøkkenet for at det skulle gå raskast mogleg.

Etterpå laga eg klart til Canapés og Mise en Bouche og gjennom service måtte eg hjelpa ekstra godt til sidan me no hadde ein stasjon utan kokk.

Då det var ferdig med service var det på an igjen med buffé. Denne buffeen var bare til 70 personar. Me var ferdige til kl. 15.30. Då gjekk alle heim for å kvile, mens konditoren vår blei ståande igjen for han hadde då avtale med Nadia at han skulle lære henne desserten kl. 16.00.

Då me kom tilbake på jobb kl. 19.00, var han der endå, med posar under augo og ein litt småsur grimase. Nadia og tv-folka satt inne i baren og dei gjekk heim kort tid etter. Me kunne ikkje skjønne korleis dei skulle klare å få til prosjektet deira sidan kokken kom for å ete lunsj i morgon kl. 14.00, og ho hadde kun lært to av fire rettar som ho skulle lage i morgon.

Me fekk tilbake Chef, så me klarte oss i alle fall greitt på kvelden. Og eg fekk beskjed om at eg ikkje skulle begynne med Samoussa då eg fann fram til det, - sidan alle var slitne så skulle me komme oss heim så raskt som mogleg. Det var også eit stort bord som ikkje hadde møtt opp.

Etter vask og rydding var det herlig å komme seg heim og i seng. Var i seng til kl. 23.00.

God Natt.

15.10.08

Atter ein dag opp og stelle og fikse seg opp til tv-sending. I dag visste eg at Nadia kom til oss etter pausen.

Kom på jobb og begynte med å finne fram utstyr og dampkoke grønsaker. Så var det tid for å laga meir chips, i dag fekk eg også lære nye måtar å lage nokre av dei chipsene me har laga før. Chips av poteter lagast i omnen under press og det same med chips av filodeig.

Etter lunsj var det Canapés og Mise en Bouche

I pausen brukte eg tida til å sove ut godt.

Tilbake på jobb var det å få på seg dei nye kokkejakkane og dei nye forkleda. Deretter var det ned å begynne og jobbe. Då tv-folka med Nadia i front kom inn på kjøkkenet, sto eg og reinska smålauk. Chef presenterte alle i rekkefølgje etter kor me sto og jobba.

Deretter var det tid for at ho skulle lære korleis ho skulle lage Brandad. Eg skjønte raskt at ho er ingen kokk. Det viser seg at ho er ein skodespelar i ein kjend engelsk såpeserie. No lagar ho eit tv-program som heiter 'Eating in the sun'. Serien skal gå på BBC i desember og januar. Serien går ut på at ho reiser rundt i Europa for å ete på gode restaurantar for så å lære korleis ho kan lage rettane sjølv. Deretter på opplæringas siste dag kjem ein hemmelig gjest, - ein kjøkkensjef som er godt kjend i England, for å bedømme maten hennar.

Spesielt kjekt var denne kvelden sikkert for kameramannen som hadde fått urinvegsinfeksjon og knapt nok kunne stå på beina.

Etter at servicen var ferdig, var det å gjere klar til selskapa i morgon med å fordele forskjellige grønsakspurear i plastbeger. Og lage klar dessertane som skulle på buffane i morgon.

God natt.

14.10.08

Så var det opp for å stelle og pynte meg før eg gjekk på arbeid igjen. I dag skulle det vere første dag med den engelske kokken på kjøkkenet. Det viste seg at ho ikkje kom før utpå kvelden. Så det var tid til å lage litt meir Samoussa før det kom tv-folk på kjøkkenet.

Etter lunsj var det å lage til Canapés og Mise en Bouche. Då dei første gjestene kom, smakte eg tilfeldig på sausen som eg hadde fått frå eine kokken, og den var fæl. Og eg måtte i huj og hast få fiksa ein ny saus. Så var det å få gjort ferdig servicen før me skulle ta ein siste nedvask av kjøkkenet før me får besøk.

I pausen blei eg sitjande på internett og surfe litt før eg sov ein halvtime.

Tilbake på jobb var fortsett ikkje den engelske kokken kommen, men no var tv-teamet her. Dei skulle filme dei rettane som Nadia skulle lage og generelt litt kjøkkenopptak. Men trur nok dei blei litt skuffa sidan det ikkje var noko særlig med action på kjøkkenet. Heile denne veka er det bestilt ganske lite i restauranten.

Etter eg var ferdig å lage klar Canapés og Mise en Bouche, var det å lage enda litt fleire Samoussa og nokre chips før det var på tide å vaske ned og komme seg heim.

God natt.

13.10.08

Neste morgon sto eg opp til kl. 10.00 for å ete frukost. Etter frukost sjekka eg ut frå hotellet før eg tok turen rundt i byen. Eg budde rett ved Palais Des Papes så eg gjekk først inn i suvenirbutikken og kjøpte meg ei bok med oppskrifter frå Provance. Deretter gjekk eg ut igjen og forbi slottet. Der kom eg til parken der eg gjekk rundt og såg meg rundt før eg tok turen inn i kyrkja som ligg inntil Palais Des Papes.

Etterpå gjekk eg ned og inn i Palais Des Papes, her fekk eg lagt ifrå meg sekken og fekk utlevert audioguiden. Deretter gjekk eg igjennom heile slottet, - det var masse flotte salar og morosame historiar. Etter at eg hadde fått tilbake sekken, var det turen gjennom slottes vinkjellar og suvenirbutikk. I vinkjellaren kjøpte eg to flasker med vin frå området rundt her.

Då eg kom ut var det å gå vidare. Eg gjekk mot Pont d'Avignon, men på vegen gjekk eg forbi ein liten vinbutikk og gjekk inn for å sjå meg litt rundt. Der blei eg snakkande med ho som eigde butikken i ein halvtimes tid.

Etterpå gjekk eg ned til Pont D'Avignon, - også der var det audioguide. Så gjekk eg fram og tilbake litt oppå brua medan eg høyrde på historia om brua og om kva betydning den har hatt for byen gjennom tidene. Fekk også høyre songen om Pont D'Avignon.

Etter det var det å gå tilbake gjennom byen, Eg kjøpe meg noko mat og ei bok før eg gjekk til togstasjonen. Toget gjekk tilbake kl. 18.00 og eg begynte å lese i boka, men sovna nokså raskt, - vakna heldigvis då eg var kommen til Nimes.

Eg gjekk heim og dusja og stelte meg og sjekka kartet før eg gjekk av garde for å gå på dansekurs. Salsa Cubana som eg dansar i Bergen, - einaste forskjellen var at undervisninga sjølvsagt førgjekk på fransk og eg ikkje skjønte noko særlig av det dei sa, så eg måtte bare følgje med på det dei viste.

Etter at timen var ferdig, var det ein liten runde med Rueda og her klarte eg å henga med betre enn dei fleste. Og så var det å gå heimover, - kjøpte med meg ein 'American style' pizza frå ei pizzeria, men eg har i alle fall ikkje vore borti ein slik amerikansk pizza før, ikkje noko særlig god. Så var det ein film i lag med pizzaen før eg sovna.

God natt

12.10.08

Sto opp rundt klokka to. Då pakka eg sekken og gjekk til togstasjonen. Der kjøpte eg meg billett til Avignon og sprang til perrongen då det bare var fire minuttar etter eg kjøpte billetten at toget skulle gå. På toget fekk eg skrive litt meir blogg.

Då eg kom fram til Avignon, gjekk eg gjennom ein port i bymuren og gjekk oppover hovudgata mot rådhusplassen. På vegen gjekk eg innom turistkontoret for å få eit kart og ein oversikt over byens hotell. Eg fann fram til eit hotell som låg i nærleiken av byens største turiststadar. Der fekk eg sjå rommet før eg takka ja. Eg gjekk på rommet og tok ein dusj og såg litt på tv før eg gjekk ut på byen for å finne meg noko og ete. Etter at eg hadde ete, gjekk eg turen rundt for å sjå på Palais Des Papes og Pont d'Avignon eller Pont Saint-Benezet etter gjetaren Benezet som i følgje han sjølv hadde fått i oppgåve av Gud å byggje denne brua.

Etter at eg hadde tatt mykje bilde, gjekk eg tilbake til hotellet for å legge meg.

God Natt.

11.10.08

Kom meg opp og på jobb. Då eg kom på jobb var det å begynne laurdagsvaskerutinane, - me vaskar fettfiltera og luftingsanlegget. Etter at eg hadde gjort ferdig dei vanlege opningsrutinane, så var det tilbake til å lage meir Samoussa fram til lunsj.

Etter lunsj var det dei vanlege rutinane med Canapés og Mise en Bouche, og eg kjørte service og hjelpte til med å legge opp forrettar.

Mens me vaska kom det ein kasse frå Paris med nye kokkeklede som me skal bruke når tv-teamet kjem i neste veke. Det var sydd på Le Lisita og B. Bendixen, - veldig stilige.

Etter me var ferdige, gjekk eg heim og sov fram til det var på tide å gå på jobb igjen.

Der var det i grunnen bare dei vanlege rutinane då eg kom tilbake på jobb med Canapés, Mise en Bouche og laging av Samoussa.

Etter at eg var ferdig på jobb, var det ein kort tur heim for å dusje og stelle meg før eg tok meg ein tur på byen. Men etter å ha gått rundt ei stund fann eg ut at eg ikkje visste heilt kor eg skulle, så eg gjekk heim igjen og gjekk til sengs.

God Natt.

10.10.08

Dagen me skulle tidleg opp, toget til Sondre gjekk rundt sju om morgonen så me sto opp litt før seks. Me gjekk ned til togstasjonen og fekk sett han på toget før eg gjekk heim og sov ein time til før eg gjekk på jobb.

Tilbake på jobb var det å begynne med å finne fram utstyr og tenne opp alle platene. Deretter var det dei vanlege rutinane med trykkoking av grønsaker og reinsking av nye for helga.

Etter lunsj var det å gjere klart Canapés og Mise en Bouche til service. Rydding og vasking før det var på tide å gå heim.

Heime var det rett i seng for å kvile ut etter ei lang veke. Kan ikkje klage på at eg får besøk, men eg blir gjerne litt vel trøytt på slutten av veka.

Tilbake på jobb var det å lage Canapés og Mise en Bouche, før eg begynte å lage masse Samoussa. Det skal visst vere mykje neste veke, og Chef vil ikkje at me skal lage Samoussa når tv-teamet er her. Så eg måtte lage så mykje som mogleg før helga var omme. Og eg fekk Tani til å vise meg korleis dei lagar Samoussa på skikkeleg vis i Japan. Så det var ny måte å lage dei på, det var ikkje store forskjellen, men det var ein ekstra tilpassing og så skulle dei lagast utan tannpirkar, så alt i alt tok det no nesten fire gongar lengre tid å lage dei. Eg laga rundt ein 40 stk. før det var på tide å pakke saman og vaske.

Så var det heim og sove godt ut før atter ein ny dag i morgon.

God natt

09.10.08

Tilbake på kjøkkenet var det tid for dei vanlege rutinane med tomatar og grønsaker. Etter lunsj var det å lage klar Canapés og Mise en Bouche til service. Etter alt var ferdig og eg var nesten ferdig med vaskinga, klarte eg sjølvsagt å brenne meg på kokeplata.

Etter at eg var ferdig på jobb, var det strake vegen til apoteket for å få litt krem og smøre på. Etterpå møtte eg Sondre utanfor restauranten og me gjekk for å ta ein tur rundt på Arenaen. Me kjøpte billettar og fekk utlevert dei veldig flotte audioguidane. Og så gjekk me rundt og hørte om historia til byen og Arenaen, om tyrefekting og gladiatorar.

Etterpå gjekk me til ein butikk som mamma og pappa hadde vore inne på, men ikkje kjøpt noko. Dei ville no at Sondre skulle ta med noko heim derifrå. Me kjøpte noko andeconfit og andeleverterrin. Og så gjekk me til eit bakeri og kjøpte nokre forskjellige kjeks og marsipan som skulle vere til ein liten samankomst på laurdag.

Tilbake på jobb var det på tide å gjere klar Canapés og Mise en Bouche. Eg bestilte også eit bord til Sondre som ville komme og ete ein siste gong før han reiste heim.

Han bestilte i dag frå a la carte menyen. Han fekk Canapés og som Mise en Bouche fekk han ein miniatyr av hummarforretten som me har på menyen. Så var det oksefilet og rødvinspære til dessert. Då me var ferdig var det å gå heim og pakke i sekken og kofferten og sjekke vekta slik at det ikkje var overvekt. Så var det å legge seg tidleg for at me kunne komme oss opp slik at Sondre nådde toget sitt.

God Natt

08.10.08

Dagen på kjøkkenet var stort sett det same som vanlig. Med unntak av at journalistane frå England fortsatt heng rundt på kjøkkenet.

Eg og Sondre gjekk rundt i sentrum i regnveret for å finne oss ein plass for å ete. Det einaste me fann i regnveret som var ope mellom 15 og 19, det var kinaexpressen. Me fann oss noko som såg etande ut og bestilte det. Men det var jo ikkje noko særlig godt.

Tilbake på jobb fekk eg telefon frå Dag Stian som godkjente at eg kunne vere i Frankrike fram til jul. Etterpå var det å skifte før eg laga klart Canapés og Mise en Bouche for ein ny dag på kjøkkenet.

Eg og Sondre surfa på internett etter flybillettar for meg heim i desember. Eg søkte på KLM på flyreiser frå Lyon via Amsterdam til Bergen, Paris via Amsterdam til Bergen, Marseille via Amsterdam til Bergen, Nice via Amsterdam til Bergen og Toulouse via Amsterdam til Bergen. Alle kom på rundt ca 1250 ?. Så sjekka eg ut Lufthansa også, - der låg alle prisane rundt 10 000 kr pluss. Så var det tid for å sjekke ut prisane på norske reisesøkmotorar, - også her fekk eg dei same prisane. Deretter sjekka eg Ryanair, der var prisen pr billett frå Montpellier til London 0 kr + utgifter og frå London til Haugesund 0£ + utgifter. Så i alt kom flybillettane på rund 80 kr.

God natt.

07.10.08

Eg sto opp og kom meg på jobb. Då eg var kommen ned på kjøkkenet og hadde funne fram utstyr, begynte eg med å gjere i stand grønsaker til Quentin.

Etter det var klart, var det tid for å begynne og gjere i stand til dagens lunsj, rømmegraut med fenalår og spekeskinke og Sundepølsa med gulrotstuing og kokte poteter. Mens eg laga mat fekk me besøk av nokre journalistar frå England. Me skal få besøk av ein kjend kokk frå England som skal lage program på kjøkkenet vårt i neste veke.

Så var det tid for å servere lunsj. Alle fekk ein liten porsjon med rømmegraut, det vil sei to ss i botn av eit glas. Ikkje noko særlig gode tilbakemeldingar med den. Sundepølsa falt betre i smak, den blei faktisk likt!

Tilbake på kjøkkenet var det å gjere klar Canapés og Mise en Bouche for service.

Etter service og reingjering ringte eg til Sondre for å finna ut kor han var. Han hadde nettopp gått heim så eg gjekk heim for å møta han der.

Me blei sitjande og snakke til det var tid for meg å gå på jobb igjen.

Då eg kom på jobb, bestilte eg eit bord til Sondre før eg begynte å lage Canapés og Mise en Bouche.

Dei engelske journalistane var her heile kvelden inne på kjøkkenet og tok bilder og notater.

Sondre kom kl. 20.30 og bestilte smaksmenyen som innheld sju rettar.

Meny

Canard

Crème de coco de Paimpol,

Dés de foie gras poêlé, jus à la noisette

Saint Jacques

Noix à la plancha, chutney de pêches,

Feuilles de jeunes poisses, vinaigrette aux épices

Bar

Cuit à l?unilatéral, châtaignes roties,

Girolles et épinards au beurre

Pigeon

Rôti au four, garniture grand mère,

Ecrasé de pomme de terre, sauce au vin rouge

Plateau de Fromages affinés

Exotique

Trio de sucettes aux saveurs des Iles,

Glace vanille Bourbon

Pomme Granny Smith

En cappuccino, compotée de pomme à la citronelle et son granité,

Crémeux fromage blanc, sorbet verveine.

Etter at eg var ferdig på jobb gjekk eg og Sondre heim for å sjå ein film før me gjekk og la oss.

God natt.

06.10.08

Me sto opp kl. 10.00 og mens Sondre dusja gjekk eg ned for å sjekke ut frukosten. Eg gjekk opp igjen og me bestemte oss for å ete frukost på hotellet. Der var det belgiske vaflar, pai, eggerøre og bacon, stort utval av søte bakverk, frukostblandingar og pålegg.

Etter frukost sjekka me ut av hotellet, men me fekk lov til å ha bagasjen der til me skulle reisa. Dei fann også fram togtider for når dei to siste toga gjekk tilbake til Nimes. Deretter gjekk me ut for å sjekke ut byen.

Me hadde i går fått vite om to øyar som ligg utanfor byen og at det går ein båt dit. Me spurde om denne går kvar dag og det gjorde den. Så me hadde i dag planlagt å ta turen ut til den minste øya som er eit fort. Men då me kom til båten og skulle kjøpa billettar, fekk me vita at den var stengt på måndag.

Me tok då turen opp til eit handlesenter for å sjå oss litt ikring. Me fann ingen butikkar me hadde lyst å besøka så me gjekk ut igjen. Der fann me den raude streken som strekker seg gjennom byens turistområde. Denne kan ein følgje og få med seg det som er verdt å sjå i gamlebyen. Me kom først fram til området bak rådhuset, her heldt dei på å spele inn film for tida. Me sette oss ned for å sjå litt på kva som skjedde.

Etter dei var ferdige med den 30 sec lange scenen, gjekk me vidare og kom til eit utkikspunkt der me kunne sjå opp til kyrkja, fortet på andre sida og fortet på denne sida. Her tok me bilete av oss sjølve før me gjekk vidare til ei av dei store kyrkjene. Denne var stor og flott, men heile området rundt var anleggsområde, så det var ikkje mulig å komme inn.

Me følgde den raude streken og kom til eit gammalt sjukehus som no var brukt til kunstmuseum. Og for augneblinken var det ei van Gogh utstilling her. Me gjekk inn og kjøpte oss ein is i restauranten og sette oss ned for å kvila litt før me skulle ta oss ein tur inn på utstillinga, men gjett kva, - den var stengt! Me gjekk vidare og kom til eit lite parkområdet kor me sette oss ned ei lita stund, - eg sovna på den eine benken og sov vel i ti min før Sondre vekte meg.

Me gjekk ned igjen til hamna for å sjå på fortet som låg på denne sida av hamna. Her gjekk me litt rundt før Sondre ville kjenne på temperaturen på vatnet. Han fann ut at dettte var hans sjanse til å bade i Middelhavet, så han kledde av seg og hoppa uti.

Etterpå gjekk me vidare rundt fortet. Her var det ein inngang, men der var det stengt. Me gjekk inn igjen til handlesenteret og kjøpte oss noko å ete før me gjekk tilbake til hotellet for å henta sekkane.

Me fekk vite når neste tog gjekk, for no var me slitne og hadde vel i grunnen fått nok av byen. Me gjekk opp igjen til togstasjonen og fekk kjøpt oss billettar, og rakk det så vidt. Billettkøar her nede er heilt ekstreme, - det er 30 til 50 min venting. Me fann fram til perrongen og der var ikkje toget komme enno, så me gjekk og kjøpte oss is før me gjekk tilbake.

På toget fekk eg skrive blogg for dei siste dagane medan Sondre sov. Då me kom tilbake til Nimes, såg me ein film før me gjekk og la oss.

God natt.

05.10.08

Me sto opp rundt kl. 10.00, eg gjekk ut for å kjøpa inn til frukost mens Sondre fekk sova litt lengre. Då eg kom heim åt me frukost i lag og gjorde oss klar til avgang.

Me kom til togstasjonen kl. 12.15 og fekk kjøpt billettar til toget som gjekk halv to. Så me tok turen heim igjen for å hente badeshorts sidan me tross alt skulle ned til Middelhavet. Då me skulle gå ned til toget gløymde me sjølvsagt dei.

Toget tok litt under ein og ein halv time. Då me kom fram kjøpte me oss eit kart over byen og sette oss i trappa utanfor togstasjonen for å finne ut kor me skulle sjå etter hotell.

Me gjekk gjennom sentrum ned til gamlehavna. Her såg me på eit par hotell før me fann ut kor me skulle bu. Me sjekka inn og sette ifrå oss sekkane før me tok turen opp til byens høgaste punkt. Der ligg det ei flott kyrkje kalla Notre Dame. Turen opp gjekk på kryss og tvers og då me kom opp var det litt av ein utsikt me fekk sjå. Heile byen låg der og havna likna merkelig nok på Bergen, - med eit fort på kvar side, forma på havna og bebyggelsen som ligg inntil.

Då me gjekk ned igjen fann me ut at no var det tid for mat. Me gjekk på hotellet for å finna oss noko meir klede då det hadde begynt å bli litt kjøligare. Me spurde i resepsjonen om dei kunne anbefale ein restaurant, men fekk vita at alle dei skikkelige restaurantane var stengde i dag på søndag. Me fann oss ein restaurant i eit lite restaurantstrøk og bestilte oss noko mat. Og verre mat har me vel ikkje vore borti nokon stad.

Etter middag tok me oss ein tur rundt havna for å sjå byen i kveldsmørkret. Deretter tok me turen tilbake på hotellet og såg ein film før me gjekk og la oss.

God Natt

04.10.08

Då eg sto opp sende eg melding til Sondre for å forsikre meg om at han var våken og på veg til flyplassen, helst allereie der.

Då eg kom på jobb var det å begynne og vaske fettfiltera til luftavtrekket og vaske heile hetta over omnane. Deretter begynte eg å lage klar grønsaker og puré. Etterpå var det å lage klar meir chips før eg blei sett til å lage klar lunsjen. Svinekotelettar og haricot verts.

Etter lunsj leste eg melding at Sondre var kommen til Lyon og at toget gjekk derifrå kl. 1500.

Laga klar det eg trong av Canapés og Mise en Bouche til service og kjørte ut dette.

Etter me var ferdige med vasking og rydding, tok eg ein tur heimom og rydda ferdig til Sondre skulle komme.

Gjekk ned og møtte Sondre på togstasjonen. Så gjekk me tilbake til leiligheten og sette frå oss bagasjen før me tok oss ein liten tur for å vise restauranten, bykjernen og diverse interessante ting. Me gjekk tilbake til leiligheten for å hente Sundepølsa, rømmegrauten og reine klede før me gjekk på jobb.

På restauranten viste eg han rundt i baren, restauranten, bakgården og kjøkkenet før eg gjekk for å skifte til kokkeklede.

Tilbake på kjøkkenet begynte eg å jobbe medan eg snakka med Sondre, etter litt sa Chef at Sondre måtte få eit forkle og eg sette han i arbeid. Medan eg laga karamell, rista han sesamfrø. Etterpå la han opp Canapés og laga tomatar med sesamfrø medan eg la opp Mise en Bouche.

Så fekk eg beskjed om å sei til Sondre at han skulle gå inn i restauranten og sette seg for å ete. Ei av servitørane viste han inn til eit bord og han fekk meny Lisita som var Brandad, andebryst og mango til dessert.

På kjøkkenet gjekk det i eitt fram til det var stengetid, då kom Sondre inn på kjøkkenet og me gjekk heim. Her snakka me litt før me gjekk og la oss tidleg, klar for turen i morgon.

God natt.

03.10.08

Dagen då eg skulle få besøk av Sondre.

Eg sto opp og gjekk på jobb. Der begynte eg med å få på plass utstyret og fyre opp gassen.  Chef kom med nye varer som eg bar inn før eg laga grønsaker for Quentin.

Deretter var det tid for å lage ein masse chips av raudlauk. I går hadde Chef bedt meg om å bruke chips på Mise en Bouche, så det var behov for mykje meir sidan det no gjekk chips til alle gjestane.

Så laga eg klar lunsjen til personalet.

Etter at me hadde ete lunsj var det å begynne med å kutte opp gulrøter i terningar. I morgon skal me ha Sundepølsa og rømmegraut til lunsj. Så eg begynte å gjere klar til den. Deretter var det å få klar Canapés og Mise en Bouche til service.

I pausen gjekk eg først for å finne ut når det gjekk tog frå Lyon til Nimes seinare enn dei eg hadde fått sist gang. Men det viste seg at det faktisk ikkje gjekk nokon tog om natta mellom Lyon og Nimes. Då eg sende denne informasjonen til Sondre ringde han tilbake. Flyet som skulle gå kl. 12.10 frå Bergen hadde blitt forseinka og ny avgangstid var sett til 17.00. Så eg gjekk heim og rydda litt før eg gjekk tilbake på jobb. På vegen fekk eg ny melding frå Sondre om at han var ytterligare forseinka og om at flyet ikkje kom til å gå før kl. 19.45.

På jobb begynte eg med å lage klart Canapés og Mise en Bouche og det var det eg gjorde denne kvelden, kjøre ut Canapés og Mise en Bouche. Fekk oppdatering frå Sondre at han hadde komme til Amsterdam og hadde fått hotell der og at flyet gjekk neste morgon kl. 09.00. Dette ville gjere at han ikkje kom i tid til lunsj, så eg måtte gje beskjed om at det ikkje blei norsk lunsj i morgon og at dei måtte handle inn til det.

Så var det rydding og vasking før eg gjekk heim og la meg.

God natt.

02.10.08

Då eg kom på jobb fann eg fram alt utstyret og tente på alle pilotflammar. Deretter var det å begynne på dagens store prosjekt. Det var å lage chips av raudlauk, fenikkel, og lardo. Lardo er italiensk svinespekk som er salta og lagra. Eg med meg Tani på dette for å vise han korleis det blei gjort. Etter litt fekk eg andre arbeidsoppgåver og måtte forlate han der. Eg laga klar grønsaker for Quentin og silte kraft.

Etter lunsj var det vanlig rutine med å lage klart Canapés og Mise en Bouche til service. Og etter service var det rydding og vasking.

Etter pausen var det å lage klart til Canapés og Mise en Bouche for service. Denne kvelden var det nokså masse, så eg blei ståande med min stasjon gjennom heile kvelden. Var litt borte og hjelpte til med det som dei trong hjelp til på forrett og hovudrett.

Etter service var det å gå heim og ringe heim til Noreg for å planlegge ankomsten til Sondre i morgon.

God natt

01.10.08

I dag var det første dagen til den nye utplasseringseleven, dvs. han er forsåvidt kjøkkensjef på ein restaurant i Japan. Eg hadde funne fram utstyr og var begynt på grønsakene då han kom med Chef. Han skal bo hos Chef i to veker før han flyttar inn i ein leilighet som Chef har kjøpt. Dvs. Chef har kjøpt eit gammalt hus som han skal bruke som garasje til det nye hotellet. Her er det også ein leilighet som han skal bruke til bustad for besøkande utplasseringar. Der er det hage og rom for tre, så viss det er noen som vil ned til Nimes og jobbe på kjøkkenet i ein månad eller tre, så er det mulig.

Så var det å bere inn varene som Chef hadde i bilen og så begynte eg med tomatar. Eg og Chef gjekk inn i eit samarbeid, eg fjerna stilkfestet og han kryssa dei i skinnet. Så blancherte eg dei og delte dei i fire før eg skar ut kjernen. Så var det tid for lunsj, så eg rydda dei på plass i eit kjøleskap og gløymde dei der.

Etter lunsj var det tid for å gjere klar Canapés og Mise en Bouche til service. Deretter var det i grunn å kjøre ut mat til det var ferdig og klart for rydding og vasking.

Etter pausen begynte eg med å lage klar Canapés og Mise en Bouche. Deretter fann eg igjen tomatane som eg hadde gløymd tidlegare, og eg og Tani begynte å reinske dei ferdig og få dei utover på brett.

Etter kvart som det begynte å roe seg med det eg hadde ansvaret for, var det tid for å måle krefter i Samoussa laging mot ein japanar. Kan jo informere om at Samoussa er japansk. Eg laga dei faktisk litt raskare enn kva han gjorde, men han hadde også ein annan måte å brette dei på. No ser det ut til at eg også må lære denne metoden. Dei som eg har bretta før er trekanta slik at viss du deler ein firkant frå hjørne til hjørne får du forma som eg lagar. Mens hans er ein likesida trekant med 60 graders vinklar.

Etter at me var ferdige med ein 200 stk, var det tid for å vaske og rydde.

Etter jobb var det rett heim og sove.

God natt.

Siste dag av ein fin månad, dagen begynte greitt, kom meg på jobb og byrja med å lage til grønsaker til trykk-koking. Deretter var det på tide å lage ein ny porsjon med blomkål og mandel pure. Eg skjønner ikkje heilt kva som skjedde, oppskrifta er farlig enkel og det er liksom ikkje noko som skal vere mulig å gå gale, men heile greiene blei knall hard.

Deretter var det tid for lunsj med pannert uidentifisert kjøtt, men i dag smakte og lukta det som harskt pinnekjøtt, ikkje noko god lunsj.

Deretter var det å gjere klart Canapés og Mise en Bouche. Gjorde også klart tomatar til kvelden, så kjørte eg ut det som blei bestilt før eg laga deigen til Accra .

I pausen tok eg meg ein kvil.

Tilbake på jobb var det å begynne og steike opp Samoussa og Accra, også i dag hadde me mange gjester til middag. Så var det å sjå kva eg kunne gjere med pureen som eg hadde laga i dag tidleg. Eg måtte tilsette nesten same mengde med fløyte som pure. Eg kjørte ut dei største borda før eg fekk beskjed om at Yves skulle ta over Canapés og Mise en Bouche og eg skulle produsere opp Accra. Så eg laga opp i dag heile 560 Accra før kvelden var ferdig.

Så var det rydding og vasking før eg gjekk heim for å fikse bloggen for dei siste dagane. No er det på tide å gå til sengs.

God natt.

29.09.08

Sto opp etter 16 timars søvn og tok meg ein liten tur ut i gata utanfor for å handle litt i alle de kule små butikkane. Kjøpte petit pates nimois som og ein del forskjellige brød.

Gjekk tilbake til leiligheten og sette meg ned for å skrive blogg. Fann sjølvsagt ut at boka med alle notatane i, ligg igjen på jobb så det blei meir jobbing dei siste dagane som eg enda hugsa. Etter kvart blei det ganske kjedelig, så eg fann ut at eg kanskje skulle ta meg ein tur på kino i dag også.  Gjekk og såg i dag ein grøssar faktisk, og sjølvsagt som i går var eg aleine i kinosalen. Men i dag var då også kinosalen ca tre gongar så stor som i går.

Etter kinoen gjekk eg heim og byrja å rydde litt på rommet før eg gjekk og la meg.

God natt.

28.09.08

Brukte mesteparten av dagen til å slappe av på sofaen. Hørte faktisk litt på språkkurs for første gong på ei god stund. Faktisk litt lettare å få med seg det som blir sagt no.

Klokka 21.00 gjekk eg på McDonald for å kunne gå på nett med den nye pcen, men fann ingen nettverk der som eg kunne logge meg på. Derfor gjekk eg heimover etter to stk cheeseburgere.

På vegen fekk eg sjå ein ny del av byen i liv, den gata som eg går i for å gå på CyberCafe er som regel alt stengd i når eg går der, men no var det restaurantar, conditori, kebabutsal og div som var ope. Så i staden for å gå til høgre mot leiligheten gjekk eg til venstre for å sjå kva meir som kunne vera ope.  Fann fram til ein kino og gjekk inn for å sjå om dei hadde filmar så seint på kvelden, og det hadde dei. Kjøpte billett og gjekk inn i salen som var tom, og den var tom gjennom heile filmen. Veit ikkje om eg skal ta det som eit hint om at eg har dårlig filmsmak eller at franske folk ikkje går på kino søndag kveld kl. 22.00.

Etter filmen gjekk eg heim og gjekk rett til sengs.

27.09.08

Laurdag og siste dag i veka. På jobb var det på tide å trykk-koke resten av dei reinska grønsakene som var igjen. Og reinske opp nye til tysdag.

Etter lunsj var det å gjere klart Canapés og Mise en Bouche før service. Innimellom bestillingane reinska eg fleire grønsaker.

I pausen var det tid for å sjekke ut litt togtider, Sondre kjem på besøk på fredag og landar i Lyon, så eg måtte finne ut når det gjekk tog mellom Lyon og Nimes.

Tilbake på jobb fekk eg meg litt av ei overrasking. Det var nemlig reservert heile 80 stk i restauranten. Eg gjekk straks i gang med å steike opp Samoussa  og deretter Accra. Steikte opp hundre av kvar, lager alltid ekstra i tilfelle det kjem fleire gjestar. Og gjestar kom det før eg var ferdig, kva kan eg sei, - i veka før når me hadde 100 gjester så var me tre stykke som gjorde det som eg skulle gjera aleine i dag. Men fekk litt hjelp til å gjera ferdig tomatane, heldigvis har eg som vane å lage litt fleire enn eg treng slik at eg har litt klart til neste vakt i tilfelle det kjem gjestar før eg blir ferdig.

Så var det å kjøre ut Canapés og Mise en Bouche om ein annan til den store gullmedalje. Etter service var det tid for å rydde og vaske ned.

Kom heim og gjekk og la meg.

God natt.

26.09.08

Etter eg hadde funne fram utstyret, begynte eg å trykk-koke grønsaker. Etterpå fekk eg lage fyll til canneloni og etterpå farserte eg canneloniene.

Etter lunsj var det tid for å gjera klar Canapés og Mise en Bouche til service. Innimellom Canapés og Mise en Bouche som blei kjørt ut, var det tid for å lage fleire Samoussa.

Deretter var det tid for rydding og vasking før det var pause.

Etter pausen var det tid for å finne fram utstyr før eg laga ein porsjon med blomkål og mandel puré, før det var på tide å lage klart Canapés og Mise en Bouche. Og så var det Samoussa resten av kvelden.

Så var det på tide å komme seg heim i seng.

God natt

25.09.08

Dagen begynte som vanleg med å finne fram utstyr til Chef og Quentin og koke opp grønsaker klar til dagen. Men etterpå var det ikkje meir igjen å gjere så eg blei sett til å lage Samoussa, jepp blir ikkje kvitt den oppgåva sjølv om me hadde masse igjen etter Feria. Men det er vel kanskje fordi me må få brukt opp kjøttet som er kokt opp.

Laga Samoussa fram til lunsj og etter lunsj laga eg klar Canapés til service, og under service kjørte eg ut Canapés og Mise en Bouche. Men sjølvsagd innimellom laga eg fleire Samoussa.

I pausen sov eg ut før eg gjekk tilbake på jobb.

Der begynte eg med å gjere klart til Canapés og Mise en Bouche. Då eg var ferdig kom den første gjesten. Det var ikkje fryktelig masse gjestar i kveld heller, så eg fortsette med å lage fleire Samoussa, - begynner å bli skikkelig lei av dei no. Då kvelden var over med rydding og vasking var det å ta turen tilbake til leiligheten. På vegen kjøpte eg mat på det lokale gatekjøkkenet.

God natt.

24.09.08

Kom meg opp og på jobb, då eg var kommen ned på kjøkkenet gjorde eg meg klar til å lage chips etter at eg hadde funne fram utstyr til Chef og Quentin. Men fekk beskjed om at eg skulle reinske tomatar i dag, eg sette i gang med ein gong. Eg var faktisk ferdig med alle tomatane før lunsj. Etter lunsj var det å gjere klar Canapés og Mise en Bouche til service.

Under service, - i tillegg til å legge opp Canapés og Mise en Bouche, la eg utover dei reinska tomatane på brett og krydra med salt, peppar og olje. Eg laga også meir potetchips som dei brukar til forrettane.  

I pausen skreiv eg ein god del artiklar til bloggen, bileta kjem når alle dagane er skrivne om.

Tilbake på jobb laga eg Canapés og Mise en Bouche og gjorde alt klart til service. Under service la eg opp det som eg hadde ansvaret for, pluss at eg hjelpte til med å legge opp hovudrettar og forrettar.

Etter jobb var det rett og kjøpe meg mat før eg gjekk heim og sette på ei masking med kler. Eg skreiv litt på bloggen før eg gjekk å la meg.

God natt.

23.09.08

Kom meg opp og på jobb i god tid før eg skulle begynne. Då eg var kommen ned på kjøkkenet fann eg fram utstyr før eg byrja med å skrelle og reinske grønsaker klar til trykk-koking. Sidan me ikkje hadde brukt denne typen grønsaker i Feria, var det ikkje bare ein eller to av dei eg måtte lage til, men alle, og eg måtte skrelle alle.

Etter det var det tid for lunsj.

Etter lunsj begynte eg på min første dag på eigen stasjon, veit ikkje kor lenge eg har den, men for no er det kjekt. Eg steikte opp Samoussa og Accra før eg laga til tomatane til Canapés. Etterpå sjekka eg at eg hadde alt klart til Mise en Bouche. Det var ikkje så veldig mange som hadde bestilt bord til lunsj, så eg byrja lage nokre potetchips. Men brukte ein litt annan kuttar slik at det blei fine gitter av det. Spurte om det var greitt at eg laga dei slik og fekk beskjed om at det var greitt.

Eg la opp Canapés og Mise en Bouche når det kom inn, og hjelpte til elles under service.

Etter rydding og vasking gjekk eg på CyberCafeen for å sjekke grafen på bloggen over kor mange som er inne på den. Har fått internett i leiligheten, men av ein ellar annan grunn får eg ikkje opp den grafen på pcen min.

Så var det heim der eg sov til det var på tide å gå på jobb igjen.

Tilbake på jobb begynte eg med å gjere klar Canapés, me har fortsett veldig mykje Samoussa, så eg håper at eg slepp å lage fleire av dei med det første.

Då alt var klart med Canapés og Mise en Bouche, hjelpte eg til der det var behov for det fram til service. Under service la eg opp Canapés og Mise en Bouche og hjelpte til med å legge opp forrettar og hovudrettar.

Så var det tid for å ta kvelden og me gjekk kvar til vårt.

God natt